Bolada harorat: qachon kutamiz, qachon shoshamiz
Haroratning o'zi kasallik emas — bu immunitetning javobi. Lekin ba'zi belgilar bor, ularda kutish xavfli.
Ko'pchilik ota-onalar termometrdagi raqamdan qo'rqadi. Aslida bolaning ahvoli raqamdan muhimroq: 38.5 bilan o'ynab yurgan bola 37.8 bilan holsiz yotgan boladan yaxshiroq holatda.
Haroratni odatda 38.5 dan yuqorida yoki bola qiynalayotgan bo'lsa tushiramiz. Bolalarda faqat parasetamol va ibuprofen ishlatiladi, yoshga emas — vaznga qarab dozalanadi.
Sirka yoki spirt bilan artish mumkin emas: bu teri orqali so'rilib zaharlanishga olib keladi.
Savolingiz qoldimi?
Telegram botimizga yozing — pediatr 15 daqiqa ichida javob beradi va kerak bo'lsa qabulga yozib qo'yadi.
Zudlik bilan shifokor kerak bo'ladigan holatlar: 3 oygacha bo'lgan chaqaloqda har qanday harorat; bo'yin qotishi; toshma bosganda oqarmasa; nafas olish qiyinlashsa; bola uyg'onmasa yoki suyuqlik ichmasa.
Qolgan hollarda ko'p suyuqlik, salqin xona va kuzatuv yetarli. Uy sharoitida 3 kundan ortiq harorat saqlansa — ko'rikka keling.